Çitaku i reagon Kurtit: Nëse nuk mund ta mbështesni Hashim Thaçin, lejeni rehat

Kryeministri Albin Kurti në një konferencë për media ka folur për sulmet në veri të vendit, konkretisht në kanalin e Ibër Lepencit në Varagë të Zubin Potokut, ku përmendi edhe ish-kryeministrin dhe ish-presidentin Hashim Thaçi.

Kurti tha se ushtria jonë nuk mund të shkojë në veri nga zotimi i Thaçit bërë në vitin 2013.

Ndaj kësaj deklarate të Kurtit ka reaguar sekretarja e PDK-së, Vlora Çitaku, e cila i ka thënë kryeministrit nëse nuk mund ta mbështet Thaçin i cili gjendet në Hagë, ta lërë rehat, shkruan Reporteri.net.