Në konferencën e përbashkët me kryetarin e Kuvendit të Maqedonisë së Veriut, Afrim Gashi, kryetarja e Kuvendit të Shqipërisë, Elisa Spiropali tha se shpreson që të zbatohet plotësisht ligji për gjuhet dhe shtoi se, cenimi i gjuhës shqipe në çfarë do forme, cenon identitetin e shqiptarëve, përcjell TV21. Spiropali tha se shpreson që vendimi i Gjykatës Kushtetuese, të jetë në frymën e Marrëveshjes së Ohrit.
“Një lloj siç jemi të interesuar, presim me besim dhe shpresojmë që të zbatohet plotësisht edhe Ligji për gjuhët. Gjuha shqipe, së paku për ne, është e shenjtë dhe ajo ka të bëjë me thelbin e identitetit tonë. Cenimi i saj në çdo formë, padyshim se dhëmb shumë dhe cenon këtë identitet që në ofrojmë në këtë botë të madhe në rajon e më tej si vlerën tonë. Njohim dhe mirëkuptojmë shqetësimet për mundësinë e ndryshimeve të mundshme varësisht vendimit të pritshëm të Gjykatës Kushtetuese por presim që trazime të tilla të kenë zgjidhje sipas frymës së Marrëveshjes së Ohrit”, tha Elisa Spiropali.
