Shporta minimale sindikaliste peshon 56.000 denarë – në të ka vetëm produkte të pakta
Gjashtëmbëdhjetë mijë denarë është diferenca mes dy pagave minimale dhe shportës minimale sindikale, sipas të dhënave të SSM. Llogaritjet dhe analizat për shumën e shportës minimale sindikale kësaj radhe janë bërë nga dy ish-ministrat e financave, Nikolla Popovski dhe Dragan Tevdovski, të cilët e pozicionojnë shumën prej 56.522 denarë. Me këto mjete një familje prej katër anëtarësh mezi do të mbijetojë, duke shpenzuar vetëm për gjërat më të nevojshme, pa asnjë luks dhe pa mundësinë për të lënë mënjanë të paktën një qindarkë si kursim.
Duhet të theksohet se shuma prej 56 mijë denarë është nëse familja katër anëtarëshe ka banesë të saj, e nëse jeton me qira, shporta minimale peshon 71.972 denarë.
Për dallim nga kalkulimet në të kaluarën, këtë herë Popovski dhe Tevdovski, të udhëhequr nga gjendja reale dhe aktuale, prezantuan katër artikuj të rinj – komunikimet, restorantet dhe hotelet, mallrat dhe shërbimet tjera.
Se sa rigorozisht është bërë përllogaritja tregon edhe artikulli higjienik i cili peshon vetëm 1714 denarë.
Llogaritjet tregojnë se dy paga minimale mbulojnë vetëm 71.4 për qind të shportës minimale, ndërsa një pagë mesatare mbulon vetëm 69.9 për qind.
Problem kyç është se si një familje ku të dy prindërit kanë të ardhura minimale do t’i gjejë mjetet për të disponuar me 56.500 denarë më të nevojshëm dhe minimalë. Kësti i kredisë nuk është përfshirë në përllogaritje për shkak të mundësisë së dyllogaritjes, por edhe për faktin se kjo kategori qytetarësh është e paaftë për kredi.
Poposki theksoi se metodologjia e përdorur për prodhim i mundëson SSM-së të bëjë një llogaritje të re çdo muaj sepse përdoren të dhëna dhe faqe që përditësohen çdo ditë dhe japin një pasqyrë reale.
