Rrezikoi jetën e tij dhe të tjerëve, pasi lëvizi me makinë në sens të kundërt në aksin “Milot-Morinë”, arrestohet 32-vjeçari

Një 32-vjeçar është vënë në pranga pasi po lëvizte në sens të kundërt në aksin rrugor “Milot-Morinë”

32-vjeçari po udhëtonte me automjetin tip “Volkswagen” dhe u bë një rrezik potencial për aksidente rrugore me pasojë. Policia i është vënë menjëherë në ndjekje, për ta ndaluar shoferin D.G. Gjatë veprimeve procedurale, ai ka kundërshtuar policët me forcë.

Mbi 32-vjeçarin nga fshati Metranxh rëndojnë veprat penale “Kundërshtimi i punonjësit të Policisë së rendit publik” dhe “Drejtimi i automjetit në mënyrë të parregullt”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.