Qoku: Gjuha shqipe juridikisht dhe kushtetutshmërish, nuk ekziston në Maqedoni

Deputeti Bekim Qoku tha se, gjuha shqipe juridikisht në Maqedoninë e Veriut, juridikisht, nuk ekziston që siç thotë, në legjislacionin e RMV-së, asnjë koncept I gjuhës shqipe nuk është dhe shtoi se, në Kushtetutë, gjuha nuk përmendet fare ndërsa shqiptarët përmenden vetëm një here si pakicë. “Gjuha shqipe juridikisht dhe kushtetutshmërish nuk ekziston në Maqedoni. Juridikisht nëse kërkon në legjislacionin e RMV-së një koncept të gjuhës shqipe, nuk ekziston. Në Kushtetutën e RMV-së nuk përmendet gjuha shqipe, shqiptarët përmenden vetëm një herë si pakicë. Gjuha juridike duhet të ketë një lloj saktësie, pra, gjuha shqipe juridikisht në Maqedoninë e Veriut nuk ekziston”, tha Qoku në Daily Click.