Prokuroria Publike ka ngritur rast pas një informate, bazuar në deklaratën e kryeministrit Hristijan Mickoski, i cili ka treguar dje në Kuvend se që nga viti 2020 një nga agjencitë e sigurisë kishte pretenduar informacione se ai ishte një organizator i strukturave të armatosura terroriste, dhe për shkak se për këtë nuk e ka njoftuar MPB-në, sepse në atë periudhë të vitit 2020 ministër teknik ishte Naqe Çulev nga radhët e VMRO-DPMNE-së.
Mickoski sot tha se pret që prokuroria të reagojë për keqpërdorimet e shërbimeve të sigurisë nga qeveria e kaluar.
“Prokuroria Publike tashmë ka ngritur lëndë në bazë të deklaratës së djeshme të kryetarit të Qeverisë së Republikës së Maqedonisë së Veriut, për të cilën prokurori publik tashmë e ka njoftuar kryeministrin në mbledhjen e sotme. Tashmë çështja është dorëzuar në prokurorinë kompetente për hetimin e pretendimeve”, thuhet në njoftimin e Prokurorisë Publike.