Nuk ka plan apo rekomandim tani për tani për PCR testim të nxënësve nga 1 shtatori, kur shkollat do të hapen, siç bëjnë disa vende në Evropë, të cilat i testojnë falas tri herë në javë.
“Deri më tani nuk ka asnjë plan dhe rekomandim për testimin e fëmijëve. Ne po mbledhim përvoja nga disa vende evropiane dhe do të analizojmë këtë javë. Sigurisht, ne do të prezantojmë gjithçka që mund të nënkuptojë mbrojtje shtesë shëndetësore. Sidoqoftë, ne duhet të jemi të sigurt se gjithçka që sjellim do të jetë vërtet efektive, përkatësisht do të japë një rezultat dhe ne mund të nxjerrim një mësim nga kjo”, tha Ministri i Shëndetësisë Venko Filipçe në konferencën për shtyp ku u promovua fushata “Vaksinohu!”.
Ai vuri në dukje protokollet të vendosura nga MASH dhe Komisioni për Mbrojtje nga Sëmundjet Infektive për zbatimin e mësimit me prani fizike dhe kumtoi se rreth 65 për qind e të gjithë punonjësve në shkolla janë të vaksinuar, ndërsa një përqindje e ngjashme, tha, e përkëdhelësve dhe edukatorëve të vaksinuar në kopshte.
“Komunikimi është i vazhdueshëm dhe thirjet nga MASH dhe MPPS-së deri te punonjësit përmes drejtorëve të shkollave dhe kopshteve kjo përfshirje shtesë të rritet”, theksoi Filipçe duke iu përgjigjur pyetjeve të gazetarëve.
Punonjësit shëndetësorë që punuan me kovid pacientë tha janë 100 për qind të imunizuar, ndërsa rreth 75 për qind të numrit të përgjithshëm të punonjësve të kujdesit shëndetësor.
Edhe Ministrja e Arsimit dhe Shkencës Mila Carovska gjatë vizitës së sotme në Universitetin e Shtipit përsëriti se nga 1 shtatori shkollat do të jenë të hapura për të gjithë nxënësit dhe se është i pari dhe më i dëshiruari nga tre skenarët për fillimin e vitit të ri shkollor , i mbështetur nga organizatat ndërkombëtare si UNICEF dhe OECD dhe zbatuar praktikisht nga vendet e zhvilluara.
