Me anë të një postimi në Facebook, ajo u shpreh se vendi ka nevojë për vaksinë në këtë moment dhe se qeveria duhet të bëjë çmos për të siguruar vaksina për popullin.
Mjekja maqedonase Tatjana Gurzanova i ka bërë thirrje qeverisë së Maqedonisë së Veriut për të siguruar vaksinat anti-Covid. Me anë të një postimi në Facebook, ajo u shpreh se vendi ka nevojë për vaksinë në këtë moment dhe se qeveria duhet të bëjë çmos për të siguruar vaksina për popullin. Ajo gjithashtu kujtoi edhe momentin ku ishte e infektuar vetë me Covid dhe qëndroi për 10 ditë e shtrirë në spital.
Postimi i plotë:
Zotërinj të Qeverisë së RSM, ju nuk keni një përparësi më të lartë për momentin sesa prokurimi i vaksinave, urgjentisht, tani dhe sot !!!! (dhe nuk u drejtohem kolegëve të mi në Ministrinë e Shëndetësisë sepse ndajnë mendimin tim deri në fjalën e fundit, por janë të pafuqishëm sepse vendimet vijnë nga lart) Harrojeni burokracinë, shkundni atë administratë dembele me ligje të shpejta dhe të jashtëzakonshme për tu regjistruar dhe pwr tw siguruar vaksinwn ruse, kineze dhe çdo vaksinë, gjithçka është e mirëpritur, nuk ka asgjë për të pritur për një amen nga EMA, për importin e vaksinave, apo edhe Covax-i fatkeq. Ju do të gjunjëzoheni dhe do të luteni !!!! Të gjithë ata që i refuzuat kur na e ofruan !!
Ditën e hënë Ministri i Shëndetësisë maqedonas, Venko Filipçe nënshkroi marrëveshje me Kinën për të marrë 200 mijë doza të vaksinës së saj.Që nga fillimi i pandemisë deri tani në Maqedoninë e Veriut janë regjistruar 96,152 persona me Covid, ndërsa 2,966 të tjerë kanë humbur jetën.
(I.A/dosja.al)
