Mickoski premton se me hekurudhën e shpejtë trenat do të ecin 120 kilometra në orë
Një nga projektet e para të qeverisë së re të VMRO-DPMNE-së do të jetë përmirësimi i rrjetit hekurudhor, premton lideri Hristijan Mickoski.
Në një situatë kur Maqedonia praktikisht nuk ka hekurudhë dhe kur i vetmi tren që shkon për në Manastir ndaloi, qeveria e re do të ketë një detyrë të vështirë për të rivendosur udhëtimin me tren.
– Një nga politikat strategjike të qeverisë së ardhshme do të jenë projektet infrastrukturore dhe hekurudha e shpejtë veri-jug me të cilën trenat në Maqedoni do të lëvizin me shpejtësi mesatare prej 120 kilometra në orë, ka zbuluar Mickoski për “Republika”.
Situata e keqe në trafikun hekurudhor është vërejtur edhe nga Komisioni Evropian në raportin e progresit. Nuk ka asnjë përkushtim politik për reformat e nevojshme në hekurudhë – deklaroi KE.
