• 04-03-2021

Mbyllet një lokal në Tetovë, për shkak të mosrespektimit të masave kundër coronavirusit

Policia dje ka mbyll një lokal në Tetovë për shkak të mosrespektimit të masave kundër coronavirusit.

“Gjatë mbrëmjes së djeshme, përkatësisht rreth orës 22:35 në një objekt hotelier në fshatin Zherovjan në Tetovë, gjatë një kontrolli të përbashkët midis policisë dhe Inspektoratit Shtetëror të Tregut, rreth 40 persona u kapën brenda objektit.

Policia ka arrestuar pronarin e objektit 31-vjeçarin H.A. nga fshati Bogovin. H.A. dyshohet për kryerjen e veprës penale “Mosveprim sipas rregullave shëndetësore gjatë epidemisë” si dhe “Trafikimi i qenieve njerëzore”.

Policia gjithashtu ka arrestuar dy persona të tjerë brenda objektit. Është arrestuar 30 vjeçari I.D. nga Tetova pasi tek i njëjti është kapur materie e bardhë në formë të pluhurit si dhe 21-vjeçari E.Z. nga Sedllarca tek i cili është gjetur marijuhanë, transmeton Alsat.

Në objekt janë arrestuar edhe shtatë shtetase të Serbisë, një shtetase e Bullgarisë si dhe dy shtetase të Maqedonisë.

Inspektorati Shtetëror i Tregut ka mbyllur objektin ndërsa pas dokumentimit të plot të rastit do të parashtrohet padi konkrete”, informojnë nga MPB.

Read Previous

Takim Ahmeti-Zaev

Read Next

OBSH: Nevojiten 4.3 miliardë dollarë për vaksinat e vendeve në nevojë

%d bloggers like this: