Lulzim Jashari me porosi para ushtarëve të Kosovës: Duhet të përgatitemi për të ardhmen

Djali i Adem Jasharit, Lulzimi, ka mbajtur një fjalim para të pranishmëve në ceremoninë për shënimin e Epopesë së Ushtrisë Çlirimtare të Kosovës, shkruan Insajderi.

Para ushtarëve dhe të pranishmëve tjerë, Jashari dha porosi që vendi duhet të përgatitet për të ardhmën, që sipas tij, mund të jetë më e trazuar se që është tani.

“Mos e harroni asnjëherë që armët tuaja janë vazhdimësi e armëve më të pastra në Ballkan. Ato nuk sulmuan civilët. Shqiptarit nuk i ka munguar guximi por municioni, prandaj jemi mësuar ta qëllojmë cakun sepse është dashur t’i ruajmë plumbat. Në luftë e vetmja frikë duhet të jetë humbja. Duhet të përgatitemi sa më mirë për të ardhmen që mund të jetë edhe më e trazuar”, ka thënë Lulzim Jashari në fjalën e tij.