LSDM: Gënjeshtrat e VMRO-DPMNE-së u mbështetën nga 200 tifozë të Mickoskit

Partia maqedonase në pushtet LSDM, ka reaguar në lidhje me protestat e mbrëmshme të VMRO-DPMNE-së për qëndrimet e Zoran Zaevit për çështjen me Bullgarinë.

Nga LSDM thonë se protestat e opozitës nuk janë mbështetur nga më shumë se 200 tifozë të Mickoskit.

“Histeria që e shpërndan Mickoski në tentimin për ta shpëtuar karrigen e tij në pallatin e bardhë, në tentimin për ta bllokuar shtetin, janë fryrë si ballon. Mezi 200 tifozë të humbësit Mickoski i mbështetën gënjeshtrat dhe të pavërtetat që i shpërndan anti-evropiania VMRO-DPMNE”, thonë nga LSDM.

Ata shtojnë se Mickoski pësoi debakël në protestat e tij dhe për këtë arsye do të mbetet gjatë në opozitë.