Kryetari i Lëvizjes Besa dhe kryetar i Komunës së Tetovës, Biljal Kasami, në daljen e mbrëmshme të ftuar në Radio Televizionin e Kosovës, ka theksuar se me kryetarin e Aleancës për Shqiptarët, Arben Taravari është diskutuar për të qenë kandidat për president.
Po, me Taravarin është diskutuar që të jetë kandidat për president dhe ai shihet si një kandidat i përshtatshëm shqiptar në këto zgjedhje, theksoi Kasami.
Njeriu i parë i Besës ka theksuar se kryeministri i Kosovës dhe kryetari i Vetëvendosjes Albin Kurti së bashku me kryetarin e Kuvendit të Kosovës Glauk Konjufca kanë qenë pjesë e fushatave zgjedhore në disa cikle zgjedhore.
Tashmë do të kemi risi, ku pjesë e listave zgjedhore për deputetë në listat e opozitës së bashkuar do të jenë përfaqësues apo eksponentë të lartë të Lëvizjes Vetëvendosje të Kosovës, por që janë qytetarë të Maqedonisë, tha Kasami.
