Padia e koalicionit “Fronti Europian” i udhëhequr nga Bashkimi Demokratik për Integrim (BDI) kundër vendimit të Komisionit Shtetëror Zgjedhor (KSHZ) për rivotimin e vendvotimit 2101 në fshatin Larcë të komunës së Zhelines në zgjedhjet parlamentare, është e pabaze, ka vendosur mbrëmë Gjykata Administrative.
“Padia e koalicionit paditës “Fronti Europian”, i udhëhequr nga Bashkimi Demokratik për Integrim (Lëvizja Popullore – DN, Partia Demokratike e Shqiptarëve, Partia Demokratike Evropiane EDP, Partia Demokratike e Turqve, Partia Politike Bashkimi i Romëve – URA, Partia Politike. Boshnjak Demokratik Soyuz – BDS) Fushata zgjedhore – zgjedhjet parlamentare 2024, në njësinë zgjedhore 1, 2, 3, 4, 5 dhe 6, parashtruar kundër vendimit të Komisionit Shtetëror Zgjedhor të Republikës së Maqedonisë së Veriut UP1.Nr.10-33 të 27.05.2024, refuzohet si e pabazuar.”
thuhet në njoftimin e Gjykatës Administrative.
Me këtë aktgjykim, thuhet në njoftim, vërtetohet vendimi i Komisionit Shtetëror të Zgjedhjeve i datës 27.05.2024.
Koalicioni “Fronti Evropian” ka paraqitur kundërshtim në KSHZ për rivotimin e vendvotimit 2021 në fshatin Larcë. Ky ishte i vetmi kundërshtim për rivotimin e 22 majit në shtatë qendra votimi në njësitë zgjedhore 5 dhe 6.
KSHZ-ja nuk e pranoi kundërshtimin dhe koalicioni “Fronti Evropian” ka paraqitur padi në Gjykatën Administrative.
