Erdogan kritika të ashpra për sulmet në Gaza – ka edhe një thirrje për turqit!

Izraeli duhet të dalë menjëherë nga gjendja e çmendurisë në të cilën është futur dhe të ndalojë sulmet në Gaza.

Ka qenë ky mesazhi i radhës nga presidenti turk, Recep Tyyip Erdogan, i cili në paraprirje të një tubimi masiv pro-palestinez në Stamboll, ka bërë thirrjen e radhës për armëpushim.

Përmes platformës sociale X, njohur më parë si Twitter, Erdogan shkruan se bombardimet veçse në rritje në Gaza, të cilat u përshkallëzuan edhe më tej natën e shkuar, kanë pasur në shënjestër sërish gra, fëmijë dhe civilë të pafajshëm.

Kjo gjë, sipas tij, e ka thelluar edhe më tej krizën humanitare në Lindjen e Mesme.