Presidenti turk Rexhep Tajip Erdogan ka njoftuar se vendi i tij është gati të presë palestinezët e plagosur nga Rripi i Gazës, ndërsa spitalet në enklavë raportojnë se ata janë të tejmbushur. Ai tha gjithashtu se Turqia do të bëjë përpjekje për të rritur presionin ndaj Izraelit për të siguruar evakuimin e palestinezëve të plagosur nga Gaza.
Erdogan tregoi se Sekretari Amerikan i Shtetit Antony Blinken ishte i hapur për diskutime mbi rritjen e fluksit të ndihmës humanitare në vendkalimin Rafah, me Erdoganin që dëshironte të shihte deri në 500 kamionë në ditë.
Ankaraja do të ndërmarrë hapa për të siguruar ambulanca, ushqim, ujë dhe ilaçe për Gazën në bashkëpunim me vendet e tjera, tha kreu i shtetit turk, gjithashtu gjatë kthimit nga samiti i Organizatës së Bashkëpunimit Ekonomik në kryeqytetin e Uzbekistanit, Tashkent.
Gjatë kësaj përplasjeje, lideri turk ka qëndruar i vendosur kundër Izraelit, duke i quajtur ata pushtues dhe duke thënë se Hamasi nuk është një organizatë terroriste.
