Në Kosovë sekuestrohen 85 mijë euro në monedha dy euro, arrestohen gjashtë persona, tre nga Maqedonia e Veriut
Prokuroria Speciale e Kosovës ka njoftuar sot se ka arrestuar gjashtë persona, tre prej të cilëve shtetas të Maqedonisë së Veriut dhe tre nga Kosova, të dyshuar për falsifikimin e parave, njoftoi korrespondenti i MIA-s nga Prishtina.
Sipas njoftimit të Prokurorisë, të dyshuarit ishin pjesë e një grupi që shpërndante dhe importonte në treg para të falsifikuara, të cilat, siç thuhet, “dyshohet se janë prodhuar në një shtet fqinj me Kosovën”.
Në një aksion të kryer nga Prokuroria dhe Administrata për Krim Ekonomik dhe Korrupsion të Policisë së Kosovës, janë sekuestruar më shumë se 85 mijë euro në monedha dy euro, të cilat dyshohet se janë të falsifikuara.
– Në këtë aksion janë sekuestruar çanta me nga dy euro secila në vlerë prej tetëdhjetë e pesë mijë e dhjetë (85.010.00) euro, të cilat dyshohet se janë të falsifikuara. Gjithashtu janë sekuestruar katër makina të përdorura nga të arrestuarit dhe shtatë celularë, thuhet në njoftimin e Prokurorisë.
Prokurori kompetent i ka urdhëruar të arrestuarve masën e ndalimit prej 48 orësh.
