Gazeta Sinjali gjatë ditës së djeshme ka raportuar për një rast të rëndë që ka ndodhur në Podujevë, ku një vajzë e mitur dyshohet se është dhunuar seksualisht nga një person. I dyshuari ishte në arrati, mirëpo i njëjti është arrestuar pas veprimeve hetimore të ndërmarra nga Policia.
Sinjali mëson ekskluzivisht se bëhet fjalë për 19-vjeçarin, Lorik Mahmuti.
Mahmuti është arrestuar dy ditë pasi u denoncua nga e mitura dhe i njëjti është shoqëruar në stacion policor për intervistim.
Sipas njoftimit të Policisë, me vendim të prokurorit, i dyshuari është dërguar në mbajtje.
“Lidhur me rastin, me 20.12.2023 është arrestuar i dyshuari mashkull kosovar dhe i njëjti me vendim të prokurorit është dërguar në mbajtje”, thuhet në njoftimin e Policisë.
Kujtojmë që bazuar në dëshminë e të miturës, e gjithë ngjarja ka ndodhur në një motel në fshatin Shtedim, ku Mahmuti dyshohet se e ka detyruar të kryejë marrëdhënie seksuale pa dëshirën e saj.
