Mbrëmjen e së shtunës një aksident me fatalitet në autostradën “Ibrahim Rugova” tronditi vendin, ku si pasojë e një gare mes dy veturave shkaktoi vdekjen e tre të rinjve që ishin në rrugë duke përcjellur nga afër dy shoferët garues.
Reporteri.net tani ka siguruar pamje të reja (VIDEO) nga kjo ngjarje tragjike ku duket qartë shpejtësia e madhe mes dy veturave, derisa dëgjohen të bërtiturat e njerëzve që atë natë ishin mbledhur për t’i parë.
Policia e Kosovës në raportin 24 orësh ditën e djeshme bëri të ditur se njëri nga shoferët kishte humbur kontrollin mbi veturën e tij, duke shkaktuar kështu aksidentin me fatalitet. Tragjedia në Prizren: Prokuroria kërkon paraburgim për dy të dyshuarit
Prokuroria Themelore në Prizren ka njoftuar se ka kërkuar caktimin e masës së paraburgimit për dy të dyshuarit për aksidentin e rëndë në Prizren, ku vdiqën tre persona.
“Prokuroria Themelore në Prizren, Departamenti për Krime të Rënda, ka kërkuar nga Gjykata Themelore në Prizren caktimin e masës së paraburgimit ndaj të pandehurve A.S., dhe I.H., në kohëzgjatje prej 30 ditësh, për shkak të dyshimit të bazuar se në bashkëkryerje kanë kryer veprën penale “Rrezikimi i trafikut publik” nga neni 370 – paragrafi 5 lidhur me paragrafin 1 dhe nenin 31 të Kodit Penal të Republikës së Kosovës (KPRK).”
Sipas kërkesës, “me datë 16.12.2023 rreth orës 22:30, në autostradën ‘’Ibrahim Rugova’’ në Prizren, saktësisht në kilometrin e trembëdhjetë të saj nga aksi rrugor ‘’Prizren Veri’’ në drejtim të aksit rrugor ‘’Prizren Jug’’, me dashje dhe në bashkëkryerje, veprojnë në kundërshtim me Ligjin për Rregullat e Trafikut Rrugor, në atë mënyrë që paraprakisht, merren vesh dhe organizojnë garë të kundërligjshme automobilistike, ashtu që të pandehurit A.S., dhe I.H., lëvizin paralelisht me automjetet e tyre me një shpejtësi jashtëzakonisht të madhe, dhe në një moment i pandehuri i dytë me automjetin e tij i afrohet të pandehurit të parë, me ç’rast ky i fundit humb kontrollin mbi drejtimin e automjetit duke devijuar në mënyrë diagonale nga shiriti i majtë i rrugës, me ç’rast e godet automjetin e markës ‘’VË Golf’’, i cili ishte i ndalur në shiritin emergjent të austostradës dhe për pasojë godet për vdekje këmbësorët – viktimat N.B., M.D., dhe L.S, të cilët ishin duke e ndjekur zhvillimin e garës dhe në të njejtën kohë u shkakton lëndime trupore të dëmtuarve M.Z., S.Z., dhe B.P., të cilët gjithashtu ishin në vendin kritik duke e ndjekur zhvillimin e garës automobilisitke në mes të të pandehurve. Me ç’rast viktimat N.B., M.D., dhe L.S., si pasojë e lëndimeve të shkaktuara nga aksidenti dërgohen pa shenja jete pranë Spitalit Rajonal të Prizrenit”.
https://fb.watch/o–wyk91qL/
