Marsh protestues në Negotinë! “Motra ime do të ishte gjallë nëse gjykatësja e vazhdonte paraburgimin”

Nën moton “Stop dhunës në trafik” është mbajtur protestë në vendlindjen e së ndjerës Frosina Kullakova. Nga Negotina, motra e Frosinës, Rosica Kullakova, kërkoi përgjegjësi për gjykatësen që udhëhoqi rastin për trafik droge kundër vozitësit Vasil Jovanov. Gjykatësja e dërgoi Vasilin në institucion edukues-përmirësues ndërsa pasi që Prokuroria ankimoi vendimin e saj, dje Gjykata e Apelit e dënoi Vasilin me tre vjet e dhjetë muaj burg. Për punën e gjykatëses, Këshilli Gjyqësor formoi Komision. “Vasili po bëhet bombë e kurdisur, për të gjitha këto, nëse gjykatësja do t’i kishte vazhduar paraburgimin deri në hyrjen në fuqi të vendimit, ndërsa pas vendimit të djeshëm të Apelit, ai vetëm është dërguar në burg, motra ime Frosina sot do të ishte gjallë. Për këtë arsye kërkojmë llogari edhe nga gjykatësja Daniella Aleksovska Stojanovska”, tha Rosica Kullakova – mortra e Frosinës. Në Negotinë u mblodhën qindra qytetarë, mes të cilëve edhe njerëz që po luftojnë me organet e drejtësisë. “Babai im vdiq në vitin 2022 në një aksident trafiku teksa po kalonte në vendkalim për këmbësorë nën Kala. Po e vazhdojmë procesin tonë ligjor, po luftojmë, pas tre vitesh është rikthyer në fillim dhe shpresojmë në drejtësi”, u shpreh Stolle Angellovski. Disa prej të pranishmëve ishin të indinjuar që prindërit e Vasilit, nëntë pas ditë nga aksidenti, i shprehën publikisht ngushëllimet e tyre familjes së Frosinës. Babai i saj, Todor Kullakov, ka shkruar se ata krijuan vrasës dhe po manipulojnë me opinion për të fituar simpati. “Ata kurrë nuk pendohen vërtetë, edhe pas nëntë ditësh nuk kanë shprehur ngushëllime… as nuk na kanë kontaktuar… por andaj menjëherë një celular e futën në “Shutkë” për të dakorduar se si të mbulohet krimi “vrasje” e djalit të tyre! Ashtu siç mbuluan rastet e mëparshme me gjykatësen, gjë që i bën ata bashkëpunëtorë me përgjegjësi penale”, potencoi babai i Frosinës, Todor Kullakov. Paraprakisht, mbrojtja e Vasilit mohoi çdo lidhje me çështjen në lidhje me celularin që ai e ka pasur në paraburgim. “Ato spekulime – 250 euro të dhëna nga babai, anëtarë i familjes së ngushtë, janë të pavërteta”, tha avokati i Vasilit, Sashko Dukovski. Përndryshe në lidhje me aksidentin në trafik, vozitësi Vasil është duke u hetuar për sjellje të qëllimshme, me çka ka shkaktuar vepër të rëndë ndaj sigurisë së njerëzve dhe pronës në trafik.