Votohet ligji, regjistrimi i popullsisë në Maqedoni do të bëhet në prill

Me 62 vota “për”, asnjë “kundër” dhe “të përmbajtur” deputetët e Kuvendit të Maqedonisë së Veriut e kanë votuar Ligjin për regjistrimin e popullsisë.

Ligji parasheh që regjistrimi i popullsisë të bëhet në muajin prill të këtij viti, përcjell Telegrafi Maqedoni.

Përveç partive në pushtet, ligjin e kanë mbështetur edhe partitë opozitare shqiptare Alternativa dhe Aleanca për Shqiptarët.

Ndërsa partia opozitare maqedonase OBRM-PDUKM ka njoftuar se është kundër ligjit, si dhe ka paralajmëruar mbledhje të nënshkrimeve për ta anuluar regjistrimin.

Debati për propozim-ligjin kaloi me akuza të shumta në mes shumicës dhe opozitës.

Advertisement
Advertisement

You May Also Like