figure>
figure>
Mosmarrëveshjet disa mujore midis udhëheqjes aktuale të Hristian Mickoski dhe Këshilli Nismëtar për thirrjen e kongresit të jashtëzakonshëm në VMRO-DPMNE rezultoi me dy data për mbajtjen e kongresit. Pasi Bordi Nismëtar planifikoi kongresin e jashtëzakonshëm të partisë për më 28 mars, Komiteti Qendror i VMRO-DPMNE-së natën e kaluar hodhi poshtë një iniciativë të tillë dhe vendosi të mbajë kongres të rregullt në nëntor, njofton Portalb.mk.
Stefan Andonovski, anëtar i Komitetit Ekzekutiv të VMRO-DPMNE-së, në pyetjet e gazetarëve në lidhje me kongresin e jashtëzakonshëm të paralajmëruar të Këshillit Nismëtar, tha se ishte një mundësi e mirë për të pastruar radhët e VMRO-DPMNE-së midis udhëheqjes aktuale dhe ish funksionarëve të udhëhequr nga Zoran Zaevi.
“Komiteti Qendror për një iniciativë të tillë u takua disa muaj më parë dhe unanimisht solli vendim të refuzojë këtë iniciativë dhe në përputhje me kompetencat statutare që ka në fuqi me nenin 29, paragrafi 4 të Statutit të VMRO-DPMNE-së dhe kësaj radhe unanimisht Komiteti Qendror mbeti në parimin e respektimit të Statutit”, tha Stefan Andonovski.
Nga Këshilli Nismëtar reaguan për thirrjen e një kongresi të jashtëzakonshëm të udhëheqjes aktuale, duke theksuar se kryetari Hristian Mickoski po përpiqet të shmangë përballjen me delegatët që u zgjodhën në Kongresin e 16-të, duke caktuar një kongres të rregullt në nëntor.
“Hristian Mickoski nuk ka kapacitet dhe nuk gëzon besim te anëtarët e partisë, aq më pak te qytetarët neutralë. Hristian Mickoski do t’i sjellë një disfatë tjetër VMRO-DPMNE-së në zgjedhjet e ardhshme lokale, ashtu siç solli humbje në zgjedhjet presidenciale dhe parlamentare,” thonë nga Këshilli Nismëtar.
Ata shtojnë se fyerjet ndaj delegatëve që zgjodhën Mickoskin tregojnë se ai nuk ka respekt për anëtarët e partisë, duke shtuar se kongresi i jashtëzakonshëm më 28 mars nuk është aheng privat, por takim për të vendosur për çështjet më të rëndësishme që prekin partinë dhe shtet.
Nga Këshilli Nismëtar u bënë thirrje të gjithë delegatëve të cilët janë në mëdyshje, që t’i bashkohen organizimit të sesionit të jashtëzakonshëm të Kongresit të VMRO-DPMNE-së më 28 mars. Ata thonë se delegatët kanë qenë anëtarë të partisë për një kohë më të gjatë se Mickoski dhe tani duan të jepet llogari për atë se çfarë ka përmbushur ai përmbushur nga premtimi i kongresit paraprak.
