Vazhdon diskutimi për amendamentet për buxhetin për vitin e ardhshëm

Në Kuvendin e Republikës së Maqedonisë së Veriut, sot Komisioni për financim dhe buxhet e vazhdon debatin e amendamenteve për Buxhetin për vitin 2021, ndërsa seancë do të mbajë edhe Komisioni për politikë të jashtme.

Në rend dite të Komisionit për Politikë të Jashtme është propozim Ligji për ratifikimin e Protokollit plotësues për tregti me shërbime ndaj Marrëveshjes për qasje në Marrëveshjen qendrore evropiane për tregti të lirë.

Debati mbi propozim buxhetin për vitin 2021 filloi javën e kaluar.

Ministri i Financave Fatmir Besimi para deputetëve derisa prezantoi Propozim-Buxhetin tha se ka tre qëllime thelbësore: përforcimi i sistemit shëndetësor, mbështetje për stabilizim ekonomik dhe funksionim të institucioneve shtetërore si dhe mbështetje të reformave që ndërlidhen me gjyqësorin dhe integrimin e vendit.

Advertisement

Të ardhurat e buxhetit parashikohen në 212.6 miliardë denarë ose 8.3 përqind më shumë se ribalanci i dytë i buxhetit për vitin 2020. Shpenzimet për vitin 2021 janë parashikuar në nivel prej 247.5 miliardë denarë ose 2.1 përqind më të ulëta se shpenzimet e parashikuara në buxhetin e dytë shtesë për vitin 2020.

Deficiti buxhetor është parashikuar në nivelin 34.8 miliardë denarë ose 4.9 përqind të BPV-së, që është 3.6 pikë përqindje më pak se deficiti buxhetor i parashikuar për vitin 2020.

Advertisement
Advertisement

You May Also Like