Unaza e Elvis Presley del në ankand

Një unazë floriri me diamante, e mbajtur nga Elvis Presley, pritet të shitet për më shumë se 500 mijë dollarë në një ankand në Los Angeles, ku do të përfshihen edhe gjëra të tjera të yjeve të rokut.

Unaza e Elvis Presley është e para e një serie të tillash me inicialet TCB,  (Taking Care of Business) dhe motivin e vetëtimës, që artisti e përdori si mantrën e tij që prej 1969-s, kur iu rikthye koncerteve pas fokusimit te filmat.

Advertisement

“Diamanti është 7 karatë e gjysmë, ndërsa unaza përbëhet nga flori 14 karatësh”, tregon organizatorja e ankandit, Brigitte Kruse.

Elvis Presley ia dhuroi unazën të cilën e kishte dizenjuar vetë, pjesëtarit të bandës së tij J.D Sumner, në vitin 1975. Legjenda e rock-ut, i cili vdiq në 1977, në moshën 42-vjeçare, ishte gjithashtu një adhurues i motoçikletave.

Advertisement
Advertisement

You May Also Like