Turqia merr komandën e forcës kryesore të NATO-s në 2021

NATO-ja ka bërë të ditur se Turqia nga 1 janari i vitit 2021 do të marrë komandën e forcës së gatishmërisë së lartë të Aleancës.

“Ushtria turke të premten do të marrë drejtimin e Task-Forcës së Përbashkët të Gatishmërisë së Lartë (VJTF), duke vendosur mijëra ushtarë në gatishmëri. Turqia merr përsipër këtë forcë nga Polonia, e cila siguroi thelbin e forcës në vitin 2020”, thuhet në njoftimin e NATO-s.

Në VJTF-ja, e cila është pjesë e Forcës së Reagimit të NATO-s, do të shërbejnë afërsisht 4.200 trupa nën komandën e Brigadës së 66-të të Këmbësorisë së Turqisë dhe gjithsej 6.400 ushtarë, përfshirë njësi nga Shqipëria, Hungaria, Italia, Letonia, Mali i Zi, Polonia, Rumania, Sllovakia, Spanja, Mbretëria e Bashkuar dhe SHBA-ja.

Advertisement

Më tej, NATO-ja theksoi “investimet thelbësore” të Turqisë për njësinë e Aleancës…, “veçanërisht në planifikimin e saj të kërkesave logjistike dhe municionit”.

“Modelet më të fundit të automjeteve turke të armatosura dhe raketave antitank janë caktuar për forcën”, shtoi NATO-ja.

VJTF-ja u themelua më 2014 në një samit të NATO-s në Britani si përgjigje e ndryshimit të mjedisit të sigurisë, të tilla si aktivitetet destabilizuese të Rusisë në Ukrainë dhe trazirat në Lindje të Mesme.

Advertisement
Advertisement

You May Also Like