Sot fillon regjistrimi i nxënësve në shkollat e mesme të Maqedonisë

Sot fillon regjistrimi në vitin e parë në të gjitha shkollat e mesme për vitin shkollor 2021/2022.
Sipas konkursit të Ministrisë së Arsimit dhe Shkencës, në shkollat e mesme publike ka 30.053 vende të lira.

Paraqitja dhe regjistrimi i nxënësve do të bëhet sipas orareve të përgatitur nga shkollat. Në periudhën e regjistrimit në qershor ka tre aplikime dhe regjistrime. E para është më 14 qershor nga ora 12:00 deri në ora 19:00, më 15 qershor dhe 16 shkolla do të marrin aplikime nga ora 07 deri më 19:00 dhe më 17 qershor nga ora 7:00 deri në ora 15:00.
Renditja me rezultatet e regjistrimit dhe vendet e lira do të publikohen më 17 qershor pas orës 16:00.

Advertisement

Testi kualifikues do të organizohet në shkolla më 21 qershor 2021 dhe atë ditë do të publikohen renditjet përfundimtare me rezultatet. Aplikimi i dytë këtë muaj është në 23 dhe 24 qershor, dhe i treti është në 30 qershor./Telegrafi/

Advertisement
Advertisement

You May Also Like