Sekretarja e Arsimit në SHBA, Betsy DeVos, u bë anëtarja e dytë e kabinetit të Trump që u tërhoq pas trazirave të Kongresit.
Në letrën e saj të dorëheqjes, DeVos – një nga anëtarët që qëndroi më gjatë në administratën e presidentit – akuzoi Trumpin për nxitjen e trazirave të së mërkurës.
Sekretarja e transportit ishte larguar më herët. Elaine Chao tha se ajo ishte “shqetësuar thellë”.
Ndihmës të tjerë që u larguan përfshijnë të dërguarin special Mick Mulvaney, një zyrtar i lartë i sigurisë kombëtare dhe shefi i shtabit të Zonjës së Parë Melania Trump. Një këshilltar i departamentit të shtetit gjithashtu u shkarkua pasi e quajti Trump “të papërshtatshëm për zyrë” në një cicërimë në Tëitter.
Por një republikan, mbështetës i Trump, Seth Ëeathers, minimizoi dorëheqjet, duke thënë se ata që linin dorë nuk ishin kurrë plotësisht në bord me Trump gjithsesi.
“Unë mendoj se këta janë njerëz … mbase nuk ishin të prirur të ishin vetë individë të tipit Donald Trump, kështu që mendoj se është e kuptueshme nga perspektiva e tyre, por mendoj se nuk është e nevojshme”, tha ai për BBC.
“Ata qëndruan me Trump gjatë gjithë kësaj kohe, pse do të jepnin dorëheqjen 13 ditë para se ai të largohej nga zyra gjithsesi. Duket thjesht e pakuptimtë”, raporton BBC, transmeton Klan Kosova
