Presidenti i Francës, Emmanuel Macron ka zbuluar detaje lidhur me shëndetin e tij, një ditë pasi u konfirmua pozitiv me Covid-19.
Përmes një video në Twitter Macron thotë se është mirë dhe se do të raportojë në mënyrë transparente për gjendjen e tij shëndetësore.
“Nuk ka asnjë arsye që gjërat të shkojnë keq,” tha ai në një postim në Twitter, duke shtuar se do të vazhdojë të merret me punët e qeverisë, megjithëse me një ritëm më të ngadaltë.
— Emmanuel Macron (@EmmanuelMacron) December 18, 2020
Presidenti i Francës, rezultoi pozitiv një ditë më parë, ndërsa shfaqi shenja të virusit, si lodhje, kollë dhe ethe.
Macron do të izolohet për shtatë ditë, por do të vazhdojë të kryejë aktivitetet e tij në distancë.
Ai është lideri më i fundit botëror që është infektuar me koronavirus. Më parë, Presidenti i SHBA-ve, Donald Trump, kryeministri i Britanisë, Boris Johnson, presidenti i Brazilit, Jair Bolsonaro.
