Deputeti i Alternativës Skender Rexhepi ka konfirmuar se në seancën e sotme do të votojë “PËR” rrëzimin e Qeverisë por shtoi se partia e tij nuk do të pajtohet të jetë pjesë e qeverisë së re e cila do të jetë anti BE dhe kundër Kosovës, përcjellë Zhurnal. “Nuk do të lejojmë të jemi pjesë e asnjë liste dhe Qeveri e cila është kundër Bashkimit Evropian dhe kundër Kosovës, qeveri antishqiptare, gjegjësisht nuk dotë jemi pjesë e Qeverisë e cila do të angazhoheshte kundër vlerave moderne”, deklaroi Rexhepi sot para fillimit të seancës.
Rexhepi së pari paralajmëroi se do ta tërheqë mbështetjen e iniciativës sepse aty qëndronin deputetë të “Së Majtës” por pas tërheqjes të Apasievit nga lista, Rexhepi tha se do ta mbështesë.
Në Kuvend në ora 11 filloi seanca për rrëzimin e Qeverisë por në të njejtën nuk ka kuorum për t’u realizuar përshkak se deputetët e BDI-së dhe LSDM-së nuk marin pjesë, ndërsa përshkak mungesës së Kastriot Rexhepit, në Kuvend ka vetëm 60 deputetë dhe nuk mjaftojnë për mbajtje të seancës.//Zhurnal.mk
