Paneli Zgjedhor për Ankesa dhe Parashtresa (PZAP) ka shqiptuar gjoba në vlerë prej 43,700 euro ndaj disa partive politike për shkak të shkeljeve gjatë fushatës zgjedhore. AAK-ja është gjobitur në vlerë prej 22,700 euro, Nisma me 20,000 euro dhe PDK-ja me 1000 euro, njofton Klan Kosova.
Këto gjoba erdhën pas ankesave që i janë drejtuar PZAP-së.
Lëvizja Vetëvendosje ka paraqitur dy ankesa, një kundër PDK dhe një kundër AAK-së.
Lidhja Demokratike ka paraqitur një ankesë kundër AAK-së. Organizata Instituti i Kosovës për Demokraci (KDI) ka paraqitur shtatë ankesa: Tri ankesa kundër AAK, një ankesë kundër PDK, një ankesë kundër LDK, një ankesë kundër NISMA Sociald emokrate, një ankesë kundër Iniciativës Qytetare “Komuniteti i Bashkuar” – Adrijana Hodzic dhe omisioni Qendror i Zgjedhjeve (KQZ) ka paraqitur një ankesë kundër Komisionit Komunal të Zgjedhjeve në Rahovec.
Prej 11 ankesave të vendosura, PZAP- i ka pranuar të bazuara gjashtë ankesa, një ankesë e ka refuzuar të pabazuar ndërsa katër ankesa i ka hedhur të palejuara.
Gjithsej në seancën e sotme janë shqiptuar gjoba në shumë prej 43,700.00 euro. Natyra e ankesave kryesisht është për shkak të shkeljes së Kodit të Mirësjelljes për subjektet politike:
Përdorimi i gjuhës se urrejtjes
Mbajtja e tubimit publik pa paralajmërim,
Shkelja e Kodit te Mirësjelljes
Vendosja e billbordeve ne hapësirat e subjekteve tjera politike
Vendosja e billbordeve dhe panove në prona politike dhe përgjatë rrugëve
Vendosja e shiritave të kuq në rrugë
Largim nga lista e votuesit
Vendosja e posterëve në shtylla elektrike
Vendosja e posterave në objekte publike
Për më shumë detaje klikoni në linkun
