Kryetari i Partisë Social Demokrate, Tom Doshi ka dhënë dorëheqje të dyfishtë nga mandati si deputet dhe kandidimi në zgjedhjet e 25 prillit. Ai ka njoftuar dorëheqjen e tij me anë të një letre drejtuar Komisionit Qendror të Zgjedhjeve.
Doshi në letër shkruan se vendimi është i parevokueshëm dhe kërkon që ta zëvendësojë mandatin e tij me të një tjetri.
Nëse Doshi do të fitojë mandatin në Shkodër, apo një mandat të dytë në Tiranë, pas dorëheqjes së tij, mandatin e deputetit e merr kandidati i dytë në listë.
Doshit iu kërkua publikisht nga ambasada amerikane që të mos merrte pjesë në zgjedhje. Ambasadorja Yuri Kim foli disa herë publikisht kundër tij dhe ajo i kërkoi Ramës që ai mos jetë më pjesë e qeverisë së ardhshme.
Doshi ishte renditur i dyti në Qarkun e Tiranës, ndërsa i pari është kandidati Gertjan Deda, ndërsa në Qarkun e Shkodrës ishte renditur i pari dhe në vend të dytë është kandidati Gledis Çeliku.
Kjo është një manovër për ti hapur udhë një koalicioni të PSD me PS-në nëse do të duhet.
Ajo erdhi fiks në periudhën mes shpalljes së rezultateve te Exit polleve që e teregonin Ramën humbës dhe fillimit të daljes së rezultateve reale. Duket se gjithçka është vendosur në këtë hark kohor kur marrveshja është bërë për “dorëheqjen” e Doshit.
