Ndryshime statutare në LSDM – kryetarin do të zgjedhin anëtarët me zgjedhje

Sipas shembullit të Partisë Socialiste në Shqipëri, edhe Lidhja Social Demokrate e Maqedonisë, e udhëhequr nga Zoran Zaev, në të ardhmen liderin partiak do ta zgjedh sipas parimit një anëtar një votë. Ndryshimet statutare parashohin ndryshimin e mënyrës së zgjedhjes nga anëtarët e kongresit, duke ia bartur këtë të drejtë çdo anëtari të partisë. “Çdo anëtar do të ketë mundësi të votoj dhe në mënyrë direkte të vendos kush do ta udhëheq partinë. Zgjedhjet e para të tilla do mbahen vitin e ardhshëm kur kësaj udhëheqësie i përfundon mandati” ka thënë Zaev.