Breaking News :

nothing found
09-08-2022

MPJ dënon gjuhën e urrejtjes në Kuvendin e Bullgarisë

Advertisement

Ministria e Punëve të Jashtme të Maqedonisë së Veriut kërkon nga Sofja zyrtare që të dënojë gjuhën e urrejtjes dhe pretendimet territoriale ndaj Maqedonisë së Veriut. Reagimi i tillë vjen pas sjelljes së një pjese të deputetëve bullgar, të cilët në seancën e djeshme përdorën mbishkrimet “Maqedonia është Bullgari”, porosi kjo e cila u përçua edhe përmes foltores së Kuvendit bullgar në po të njejtën seancë.

“Porositë e këtilla janë në kundërshtim me vlerat evropiane demokratike, por edhe kundër Marrëveshjes për Miqësi, Fqinjësi dhe Bashkëpunim dhe nuk kontribuojnë në kultivimin e parimeve dhe frymës së Marrëveshjes.Republika e Maqedonisë së Veriut pret që përfaqësuesit zyrtarë të Bullgarisë të dënojnë këtë gjuhë eksplicite të urrejtjes dhe pretendimeve territoriale drejt Maqedonisë së Veriut, si akt skajshëm jo korrekt drejt një shteti fqinj mik. Ministria e Punëve të Jashtme e Republikës së Maqedonisë së Veriut në mënyrë përkatëse i ka dorëzuar Notë Verbale Ministrisë së Punëve të Jashtme të Bullgarisë.”kanë reaguar nga Ministria Për Punë të Jashtme e RMV-së

Në Kuvendin bullgar, në seancën e djeshme është miratuar mbështetja për propozimin francez për zhbllokim të integrimeve euroatlantike të Maqedonisë së Veriut. Në moment të fundit është intervenuar në njërën nga dispozitat e propozimit francez, gjegjësisht është bërë riformulim dispozitës që la të bëjë me përmendjen e marrëveshjes së vitit 2017 dhe protokollet që dalin prej saj në korrnizën negociuese. /KLanMacedonia

Advertisement

Read Previous

Bullgaria me thirrje drejtuar Maqedonisë: Duam vepra, jo fjalë boshe

Read Next

Kodra e Diellit tërheqëse edhe gjatë verës/ Priten shumë turistë të cilët do t’i shijojnë risitë e ski-qendrës