Ministri Besimi ia dorëzoi zyrtarisht Propozim – Buxhetin kryetarit kuvendit Talat Xhaferit

Ministri i Financave, Fatmir Besimi sot e dorëzoi Propozim-buxhetin për vitin 2021 kryetarit të Kuvendit Talat Xhaferi dhe në këtë mënyrë simbolikisht u shënua hyrja e Propozim-buxhetit në organin më të lartë legjislativ. Propozim-buxheti për vitin 2021 i paraqitet Parlamentit në kohë, madje edhe më herët se afati i parashikuar me procesin e buxhetit.

Ministri i financave Besimi në takim theksoi se në drejtim të pavarësisë së buxhetit të Kuvendit – propozimi i paraqitur nga Kuvendi është përfshirë në Propozim-buxhetin për vitin 2021, siç është dhënë nga organi legjislativ pa asnjë ndërhyrje.