Me tren për Kumanovë, por vetëm një udhëtar në të

Janë bërë një javë që kur është lëshuar linja hekurudhore Shkup – Kumanovë dhe anasjelltas, transmeton TV21. Por duket se shumë pak shfrytëzohet nga qytetarët. Në orarin e orës 16:30, të ditës së sotme, vetëm një udhëtar është nisur nga Shkupi. Por edhe pse pak interesim, sërish një biletë udhëtimi ka çmim të volitshëm krahasuar me mjetet tjera të transportit. Në një drejtim bileta kap vlerën prej 87 denarësh. Kjo linjë operon dy herë në ditë. Në mëngjes nga ora 06.30 niset prej Kumanovës dhe vjen në Shkup, kurse kthehet në ora 16:30 nga Shkupi për në Kumanovë. Udhëtimi zgjat 41 minuta.