Pas lajmit se një i porsalindur vdiq menjëherë pas pagëzimit, shumë rumunë u mobilizuan në mediat sociale këtë javë për të bindur Kishën Ortodokse të ndryshojë mënyrën e kryerjes së pagëzimit. Vdekja e një të porsalinduri për shkak të kësaj praktike është një tragjedi e madhe. Ky rrezik duhet të hiqet, thanë iniciatorët e peticionit online, i cili deri më tani ka mbledhur më shumë se 56,000 nënshkrime. I porsalinduri, i cili ishte vetëm gjashtë javësh, humbi jetën në spital të hënën, pak pasi u pagëzua në një kishë në qytetin rumun të Suceava. Sipas ritit fetar krishter, i vogli ishte zhytur tri herë në ujin e bekuar. Fëmija u sëmur dhe dhe humbi jetën disa orë më vonë në spital për shkak të dështimit të zemrës.
Një autopsi zbuloi lëng në mushkëritë e tij dhe një hetim për vra*sje nga pakujdesia u hap kundër priftit që zhvilloi ceremoninë. Sipas raporteve të medias, disa raste të tilla kanë ndodhur vitet e fundit. Zëdhënësi i Kishës Ortodokse Vasile Banescu tha se priftërinjtë mund të spërkasnin të sapolindurit me pak ujë në ballë për të shmangur tragjedi të tilla. Por Kryepeshkopi Theodosius, një udhëheqës i vendosur i kishës, tha se riti nuk do të ndryshonte.
