Masakër në Ishujt Faroe, deti ngjyroset me gjakun e 1428 delfinëve të vrarë për traditë

Një tjetër masakër e madhe ndodhi në Ishujt Faroe si pjesë e zakonit të përgjakshëm të Grindadrap , i cili daton në shekullin e 9 -të, kur vikingët filluan të vendosen në ishujt e Atlantikut të Veriut.

Këtë vit, “gjuetarët” në Ishujt Faroe therën 1,428 delfinë gjatë fundjavës, në një nga masakrat më të mëdha të tilla në histori, duke “lyer” detin të kuq me gjakun e gjitarëve të rreshtuar në plazh. Konkretisht, anijet e peshkimit i çuan delfinët e Atlantikut në bregun e Skálafjørður , ku burrat i prisnin me grepa, thika dhe shtiza.