Juventus ofron dy lojtar kyç për të marrë Pogban

Juventus është i gatshëm të heqë dorë nga dy lojtarë të tij për të rikthyer në ekip mesfushorin e Manchester United Paul Pogba, pretendon ESPN. Sipas burimit, klubi Torino dëshiron të përfshijë në marrëveshje sulmuesit Paulo Dybala, i cili ende nuk ka rinovuar kontratën e tij, dhe Federico Bernardeschi.

Marrëveshja e Pogba me Manchester United është deri në verën e vitit 2022, por media raportoi dëshirën e 27-vjeçarit për të lënë klubin anglez. Në këtë sezoj ai nuk e ka gjetur veten si duhet tek djajtë e kuq. Francezi ka 10 ndeshje në Premier League, duke shënuar 1 gol.