• 28-11-2021

Haradinaj: Shtetësia shqiptare duhet t’iu takojë të gjithëve

Kryetari i AAK-së, Ramush Haradinaj në seancën e Kuvendit ka deklaruar se të gjitha partitë duhet të gjejnë pozicione të përbashkëta për interes nacional.
Haradinaj tha se pasi që jemi në vigjilje të festës së flamurit, duhet të punojmë që shtetësia shqiptare të ju takojë gjithë shqiptarëve kudo në botë.
“Janë dy arsye pse e mora fjalën, e para sot është dita e falënderimeve, amerikanët bashkohen pas një viti të zhvillimeve në jetë, i uroj atyre këtë ditë. Arsyeja tjetër jemi në vigjilje të festës së flamurit, mendoj që në një periudhë si kjo ia vlen me gjet pozicione të përbashkëta pavarësisht dallimeve politike për çështjet e interesit nacional.

Për çështjet Kosovë-Shqipëri duhet të bëjmë më shumë për mbrojtje të përbashkët ushtarake Kosovë-Shqipëri. Pastaj është mirë të punojmë që shtetësia shqiptare tu takojë shqiptarëve kudo në botë”, ka thënë Haradinaj. /Telegrafi/

Read Previous

Janev: Bullgaria nuk do të tërhiqet nga pozicioni për Maqedoninë e Veriut

Read Next

16 marrëveshjet që do të nënshkruhen nesër në mbledhjen e dy qeverive, Kosovë-Shqipëri

%d bloggers like this: