Grubi: Izeti është veteran i politikës

Zëvendëskryeministri i parë i Qeverisë së Maqedonisë së Veriut, Artan Grubi në një intervistë për TV21 ka folur lidhur me raportet e tij me bashkëpartiakun dhe shefin e grupit parlamentar të BDI-së, Izet Mexhiti.

“Izetin e njoh tashmë më tepër se 26 vite dhe jemi shok. Ai ka më shumë përvojë se unë dhe është veteran i politikës, , më përpara se BDI-ja. Është në politikë në një periudhë goxha të gjatë dhe ka pasur pozita udhëheqëse që nga viti 2005”, theksoi Grubi.

Lidhur me kritikat dhe pyetjet e parashtruara nga Mexhiti për mospërmbushjen e detyrimeve si funksionar kyç në Qeveri, Grubi theksoi se të gjitha vlerësimet janë të mirëseardhura, por ato do të ishte mirë të bëheshin në organet partiake dhe jo në Kuvend.

“Përgjigjen do tia dorëzoj me shkrim. Në ekzekutiv kam 4 muaj. Mendimet dhe vlerësimet e të tjerëve janë të mirëseardhura nga të tjerët. Dhe se të gjitha këto kritika dhe sugjerime i marr me dashamirësi dhe do të ishte mirë që ato të bëhen në organet partiake dhe jo në Kuvend. Unë një gjë të tillë nuk e kam bërë si deputet dhe siç thash i marr me dashamirësi dhe pa kurrfarë shqetësimi. “, theksoi Grubi. (INA)