Gjermania sot ka regjistruar numrin më të lartë të rasteve ditore me COVID-19 ndërsa zyrtarët paralajmëruan se shumë spitale janë në kufijtë e kapacitetit të tyre, transmeton Anadolu Agency (AA).
Instituti Robert Koch (RKI), agjencia e kontrollit të sëmundjeve konfirmoi 65.371 raste të reja me COVID-19 në 24 orët e fundit, nga 52.826 raste të raportuara të mërkurën.
Virusi mori 264 jetë të tjera, duke e çuar numrin e viktimave në 98.538.
Autoritetet shëndetësore në shtetin jugor të Bavarisë paralajmëruan se shumë spitale kanë arritur kapacitetin e tyre të plotë me pacientë të prekur rëndë me COVID-19 dhe kanë filluar të transferojnë pacientë të rinj në qytete dhe shtete të tjera.
Të mërkurën në të gjithë vendin ishin 3.376 pacientë me COVID-19 në gjendje të rëndë në njësitë e kujdesit intensiv (ICU) nga të cilët 1.710 në ventilatorë mekanikë.
Rreth 56.3 milionë njerëz ose 67.7 për qind e popullsisë së vendit, janë plotësisht të vaksinuar kundër COVID-19.
Qëllimi i qeverisë ka qenë të vaksinojë të paktën 75 për qind të popullatës për të parandaluar një rritje të infeksioneve të reja gjatë muajve të vjeshtës dhe dimrit.
