Eurodeputeti bullgar, Andrej Kovaçev ka reaguar ndaj deklaratave të presidentit të Maqedonisë së Veriut, Stevo Pendarovski, pas deklaratave të tij se Bullgaria me politikat e mohimit të popullit dhe gjuhës maqedone, po tregon se nuk mund të çlirohet nga koha e Todor Zhivkovit.
“Niveli po vazhdon të ju bie. Bravo për Pendarovskin! Më në fund kuptuam se çfarë ndodhi: Hristo Tatarçev, Goce Dellçev, Damjan Gruev, vëllezërit Milladinov, Grigor Përliçev dhe të gjithë rilindasit dhe revolucionarët e tjerë janë identifikuar si bullgar, për shkak se kanë ndjekur udhëzimet e Todor Zhivkovit”, thuhet në reagimin e Kovaçev.
Pendarovski tha se ish-presidenti bullgar i kohës së monizmit është themelues i pozicioneve se nuk ekziston populli maqedon dhe gjuha maqedonase. (INA)