• 21-04-2021

Donika Gërvalla i reagon Grenellit: Ish-emisari i Administratës së Trumpit ka qenë një ambasador skandaloz

Donika Gërvalla, përmes një shkrimi në Facebook, ka reaguar lidhur me deklaratat e fundit të Richard Grenell, pasi ky i fundit, fituesin e zgjedhjeve e quajti si antiamerikan. Gërvalla shprehet se Albin Kurti që jo se jo, por në Kosovë asnjë person që di të numërojë deri në tre nuk është kundër Amerikës. Ajo hedh kritika në drejtim të Grenellit, dhe shprehet se as ai e dhe as Grenelli nuk janë interesuar asnjë herë për Kosovën. Madje ajo thekson se në Gjermani, ish-ambasadori Grenell ka qenë skandaloz.

Ja postimi i saj:
Dokrrat e pakripura në Twitter:
Sipas të gjitha sondazheve ndërkombëtare, shqiptarët janë populli më proamerikan i këtij planeti. Jo vetëm Albin Kurti që jo se jo, por në Kosovë asnjë person që di të numërojë deri në tre nuk është kundër Amerikës. Arsyen e dimë të gjithë.

Në Gjermani Grenelli ka qenë një ambasador skandaloz dhe po aq skandaloz ka qenë si i dërguar i presidentit amerikan në Kosovë. Qytetarët amerikan i kanë larguar tashmë që të dy nga postet e tyre të larta. Të dy kanë tentuar më pas që zgjedhjet e lira në Amerikë të mos i pranojnë duke i quajtuar të manipuluara, gënjeshtra këto që kulmuan në sulmin e ar*matosur ndaj Kapitolit duke i shfaqur botës ndër imazhet më të shëmtuara që kemi parë ndonjëherë nga Amerika. As Trumpi dhe as Grenelli nuk janë interesuar asnjë herë për Kosovën, ata interesohen vetëm për veten e tyre.

Për fat të mirë, Grenelli mbetet vetëm një episod i shkurtër dhe i shëmtuar për vendin tonë. Presidenti Biden është një mik i vërtetë i Kosovës. Në vend të gjuhës së presionit, administrata e re amerikane ofron mbështetjen e saj për sfidat e shumta që na presin. Këto janë marrëdhëniet normale mes Amerikës dhe Kosovës. Sa mirë të dish që Grenelli është vetëm një kapitull i së djeshmes dhe që e vetmja gjë që i ka mbetur janë mesazhet në Tëitter. Zoti i ka bekuar Amerikën dhe Kosovën dhe miqësinë e tyre të përhershme

Read Previous

Teksasi i jep fund masës për vendosje të maskës

Read Next

Flash Lajm / Tërmet 6.9 ballë në Greqi (FOTO)

%d bloggers like this: